المصدر 7 - حرصت الفنانة المعتزلة سما المصري على دعم الداعية الإسلامي عبدالله رشدي، في أزمته الأخيرة والتي تخص البلوجر أمينة حجازي، مشيرة إلى أنها السبب في تدمير بيتها بيديها بعد كسر كلمة زوجها.

سما المصري تهاجم أمينة حجازي بعد أزمتها مع عبد الله رشدي 

وقالت سما المصري في فيديو رصده موقع تحيا مصر على حسابها الرسمي بموقع التواصل الاجتماعي المختلفة فيسبوك: الشيخ ده أنا مبحبوش بس هقول كلمة الحق، انت طلبت من زوجتك متطلعيش على السوشيال ميديا يبقى تسمع الكلام ، كنتي انفصلي واعملي اللي انتي عايزاه بدون ما تكسري كلامه، السوشيال ميديا دمار ومعظم حالات الطلاق بسببها، بيتك وعيالك أولى بيكي وارحموا الراجل هو حر.

يذكر أنه خرجت البلوجر أمينة حجازي في لقاءها مع الإعلامية ياسمين الخطيب، وقالت: "بعد زواجي من عبد الله رشدي أصبحت أعاني من مشاكل نفسية أنا حالياً في مرحلة تعافٍ، محتاجة أرجع أقف على رجلي قبل ما أفكر في أي خطوة جديدة أي تجربة فاشلة بتسيب أثر، وأنا مش عايزة أظلم نفسي ولا أظلم بنتي".

البلوجر أمينة حجازي تفتح النار على عبد الله رشدي 

وتابعت حديثها، كاشفة عن بداية قصتها مع عبد الله رشدي: "هو طلب رقم والدي في شهر مايو علشان يخطبني، والزواج كان صالونات رسمي جدًا، وبعد أربعة أيام كتبنا الكتاب، في القسيمة مكتوب إنه غير متزوج، رغم إني كنت عارفة إنه سبق له الزواج، بابا وافق عليه لأنه شايفه راجل دين، إحنا وثقنا فيه، لكنه خان الثقة. والدي كان متعاطف معاه في البداية، لكن لما عرف إنّي عرضت عليه الصلح وهو رفض، غير رأيه تمامًا".

وأكدت: "كنت أتمنى الانفصال بأدب واحترام، لأن بينا طفلة، وكنت مش عايزة صورته تتهز قدام الناس، لكنه اختار السكوت في وقت كان المفروض يدافع عني فيه"، وأكدت أن أكثر ما جرحها هو صمته حين "اتخاض في عرضها"، على حد وصفها، قائلة: "سكوت الرجل عن ظلم زوجته بيوجع أكتر من الكلام نفسه".

سما المصري تتصدر التريند 

من ناحية اخرى، كانت قد تصدر سما المصري التريند بسبب تصريح نسب لها تقول فيها "عايزة راجل يشكمني"، لتعلق الفنانة على هذا الأمر: في خبر منتشر بقاله كام يوم منسوب ليا إني قولت (عايزة راجل يشكمني)، وأنا ماقولتش كده لا زمان أيام ما كنت عايشة حياتي، ولا دلوقتي بعد ما ربنا هداني في ناس مالهاش لازمة بتشتمني، وأنا لا برضى أرد عليهم ولا أقاضيهم عشان أكل عيشي.. ياريت الناس تهدى شوية، أنا ست كويسة وأعرف أشكم نفسي.