المصدر 7 - في أجواء مفعمة بالبهجة والاحتفاء بالسينما المصرية، شاركت الفنانة لبلبة جمهورها ومتابعي مهرجان القاهرة السينمائي الدولي ببعض التصريحات الصادقة خلال حفل الافتتاح، مؤكدة على عشقها للفن ورسالتها الإنسانية.

تصريحات لبلبة في حفل افتتاح مهرجان القاهرة السينمائي الدولي

وقالت لبلبة في تصريحاتها التي يرصدها موقع تحيا مصر: من فرحتي بافتتاح المتحف العظيم اللي بهر العالم كله، قولت يارب ألبس إيه؟ فقررت يبقى في حاجة فيها لمسة فرعونية".

وأضافت بابتسامة: "بكرة عيد ميلادي، ومقولتش لحد إنه يوم عيد ميلادي، كنت بتكلم من قلبي عن والدتي واتأثرت… والدتي جالها الوجع في السينما وولدتني الساعة 12 وعشرة يوم المهرجان اللي أنا بتكريم فيه" واصفة فرحتها باللحظة: "كانت فرحتي بالدنيا كلها، يادوب دخلوها بالتاكسي وملحقوش، كنت أنا نزلت".

لبلبة: أنا مينفعش أكون غير فنانة

وأوضحت لبلبة فلسفتها الفنية: "أنا منفعش غير إني أكون فنانة، ربنا خلقني أدي سعادة للناس واديهم شيء حلو يتعلموا منه، عشان كده مش أي فيلم بعمله، لازم يكون فيلم بيقول حاجة للجمهور".

وأضافت: "في حاجات كتير نفسي أعملها، اللي شافوه مني يمكن نص قدراتي في التمثيل، عايزة أدوار متنوعة وصعبة وتحسس الناس بشئ مهم جدًا عن الإعاقة… أبقى أم معاقة أو أبقى أنا فيها إعاقة وكبيرة في السن وبيراعوني".

رسالة لبلبة بشأن الإعاقة

ووجهت لبلبة رسالة إنسانية قوية: "عايزة أقول أوعوا لما تشوفوا حد في إعاقة تضحكوا، لأن كلنا اتخلقنا زي بعض، وأي بيت فيه حد في إعاقة بيكون فيه ملاك على باب البيت ده".

تظل تصريحات لبلبة شاهدة على التزامها بالفن الهادف والرسائل الإنسانية، وعلى حرصها على استخدام منصتها لتوعية الجمهور وإلهامهم، وسط احتفالات المهرجان السينمائي الأكبر في المنطقة.