المصدر 7 - أعرب المخرج عمرو سلامة، عن استيائه الشديد، بسبب منع عدد من الأعمال الفنية من العرض، موضحا انه متفهم للاتنقادات التي توجه للأعمال، ولكنه يرفض اي دعوات لمنع الأعمال الفنية او معاقبة القائمين عليها.

تصريحات عمرو سلامة 

وكتب المخرج عمرو سلامة، منشورا يوضح فيه استيائه، وفقا لما رصده موقع تحيا مصر، وذلك  عبر حسابه بموقع التواصل الاجتماعي فيسبوك، قائلا: موافق على الانتقادات لكن رافض تمامًا طلبات المنع والمعاقبة، طالما قدمت شغلك للجمهور زي ما أنت عايزه يدفع فلوس، وزي ما أنت مستني إعجاب، يبقى لازم تبقى مستعد تتحمّل النقد… مهما كان لاذع أو قاسي.

وتابع: لكن الناس اللي عايزة تمنع عمل، أو تعاقب صناعه علشان حاجة مش عاجباهم، أو علشان بيحاكموا العمل بأخلاقياتهم الشخصية دول في الحقيقة بيضرّوا نفسهم قبل أي حد، لأن بكرة لو طلع عمل بيعبر عنهم ويمثلهم، ممكن طرف تاني مختلف  أو محافظ أكتر  يشوف نفسه مهدد، فيطلب هو كمان منعه، وده معناه إن الفن يبقى ماسخ.

عمرو سلامة: دعم المنع بيمنع فتح اي نقاش حقيقي

وأضاف عمرو سلامة: ما يناقشش حاجة حقيقية، ما يمثلش أي فئة، ولا يزعّل حد. يبقى مجرد حشو شاشات وسماعات، يعني يبقى المفروض العمل ياخد موافقة الشعب كله قبل ما يتعرض، ولو أكتر شخص متطرف فكريًا ماعجبوش، يتشال من الوجود، أنا فاهم وجهة نظر اللي شايف إن الشتيمة مش إنجاز ولا حرية ولا جرأة… بس دعمك للمنع بيفتح باب يتمنع من خلاله أي جرأة تانية، أي نقاش حقيقي، أي صرخة من مظلوم.

واستكمل: افتح أي فيلم محترم من التسعينات واسأل نفسك: هل الفيلم ده كان ممكن يتعمل النهاردة؟ بنسبة 90% لأ..قريب شفت الخماسية العظيمة لعادل إمام ووحيد حامد وشريف عرفة مع حفظ الألقاب.. وسألت نفسي: هل أي فيلم فيهم ممكن يتعمل النهاردة؟ أقولك؟ هل أي عشر دقايق في أي فيلم فيهم يتعملوا النهاردة؟، لو وافقت إن اللي واقف يمينك يتخرس.. يبقى اللي واقف شمالك من حقه يخرسك انت كمان.

واختتم: وفي الآخر، بحيي النقابة وبادعمها على سماحها لأي حاجة مختلفة… حتى لو مش على مزاجي ولا على مزاجها، وضد المنع أي منع، في زمن كل حاجة فيه متاحة، المنع بقى نكتة… منطق قديم، ديناصوري، وعطن.

عمرو سلامة: اتعرضت لاتنتقادات لمدة 15 سنة

وكان المخرج عمرو سلامة، قد كشف عن التكلفة النفسية التي دفعها نتيجة تعرضه للانتقادات الشديدة على مدار مسيرته الفنية، مقدما نصيحة صادقة للشباب حول أهمية الحفاظ على الصحة النفسية.

وقال عمرو سلامة، خلال ندوة سينما المراهقين، بمهرجان القاهرة السينمائي، اعترف بتأثره العميق في الأوقات التي تعرض فيها لهجوم على السوشيال ميديا، موضحا: تعرضت لانتقادات لاذعة طول الـ15 عاما، أكثر من 5 مرات، وأوقات كنت أحضن المخدة وأعيط من كتر ما متأثر.